تغيب الناس عن عيني وشخصك يالغلا ماغاب
اشوفك وين ما امشي وطيفك ساكن ابعيني
احبك والمحبه جت من الله ومالها اسباب
لقيتك تجري في دمي وتسكن في شراييني
وانا من كثر ما اغليك ابا البس من غلاك اثياب
واكحل ناظري ابشوفك ياطيفن ما يخليني
ابقهر كل عذالي عسى الله لا يجيب اغياب
واشوفك دوم في قربي احاكيك وتحاكيني
وابا اسكن في نظر عينك وابيك اتضمني باهداب
وابي كل ما شكيت الهم في بعدك تواسيني
وابي لو شانت الدنيا ابي نحيا ونموت احباب
وابي كل ما توله ناظرك تكفى تناديني
حبيبي لو تباعدنا ابصبر والقلوب اقراب
وانا في داخلك ساكن اذا ما قلتلي ويني
فديتك يابعد كل البشر والناس والاصحاب
فديتك ياللي في قربك احس الدنيا بايديني
تحياتي
يالغلاارجوك لاتقسى
الأربعاء أبريل 09, 2008 8:44 am
