يا رئيسَ الوزراء
كافي كل شِعري فَصيح ... خَلّي أكتب شِعِر شَعبي
يا رئيس الوزراء .. هَم دَريت انْذبَح شَعبي
إطلع وعاين لْشَعبك ... يا رئيس الوزراء
يَبن حزب الدعوه إطلع .. شوف حال الأبرياء
وَين ( باقر ) .. شو وِصِيته بهَلْشعب صارت هَباء
شوف أنواع البلاء .. يا رئيس الوزراء
شوف أصحاب النفوذ ، وشوف أصحاب الكروش
شوف أعضاء الحكومه ، بالنجف صارَوا وحوش
تِرضه بن جَوشَن يِعود ، ويضرب الطفل البَريء
ضرب إختك ، بنت شعبك ، هَللعين شكد جريء
جي تصيح الله واكبر ... نِزَل لَوَّعهَه الدَّنيء
هاذه كله ... يا سيادة ... يا جلالة قدرَكُم .. يا أَوفياء
هاذه كله ... يا رئيس الوزراء
لأن نِزلَوا ثُلَّه مِن أَخيار شعبَك .. بالبيان الوطني
بالبيان الصَعَق مَروان ، و يَزيد ، وكل عميل ، ووَثَني
بالبيان الصِدَر مِنْ إِبنِ العراق الحسني
وين أبناء العراق الكرماء .. وين كل الشرفاء
هاذه شعب الأوصياء .. هاي أرض الأنبياء
هَلَّتِنهَلَّه بأَهلكُم .. يا رئيس الوزراء
الأربعاء أبريل 15, 2009 5:53 pm